Eguaztenean (otsailak 25) Leioan egon ginan,
EHUko zientzia eta teknologien fakultatean, eta bertako hainbat eta hainbat
laborategi ikusi genduzan, bertako irakasleekin ikerketa arloan zelan lan
egiten eben ikusteko, gure etorkizunerako ideia bat eukitekoasmoagaz. Ikusi
genduzan laborategien artean kimikakoa, fisikakoa eta biologiakoa egon ziran,
eta egiten eben lana oso desberdina bazan be, ikerketa proiektu gehienetan
hiruen arteko lana egoala kontatu euskuen, eta batak besteak barik oso gutxi
egingo ebala konturatu ginan. Hau oso garrantzitsua da, edozein zientzia mota
ikasita besteen ikuspegi jeneral bat eduki behar dala ikusi gendualako eta
gainera masterren bidez ikasketa horrek bide desberdinetatik eroan ahal
diranez, benetan gehien gustatzen jatzuna ikasteko aukera dago, zientzien
arteko lan talde horretan bakoitzak bere lekua hartu ahal izateko. Beste alde
batetik, lan mota honetan zure lana gustatzea ezinbestekoa dala esan euskuen,
lan handia egin behar dalako baina gustatu ezkero oso lan pozgarria da, egunero
zure kabuz gauza pila bat ikasten diralako.
Nire aldetik, ez daukat ikasketa honeek
egiteko asmorik, ingurumen zientziak egiteko asmoa daukat, batez ere ekosistema
eta biologia aldetik, beraz ez dot uste nire lana laborategien eremu horretan
izango danik, baina argi dago holako jendearen laguntza behar izango dodala eta
beraz, zelan lan egiten daben ikastea oso interesgarria izan da. Espero dot
nire etorkizunean laborategian baino, kanpoaldean emotea denbora gehiena, baina
horrek ez dau kenduko holako lekuetan denbora pasatu behar izango dodanik beraz
bisita baliagarria izan dala ziur nago. Gainera unibertsitateak zelan
funtzionatzen dauan ikustea be puntu positibo bat izan da, eta hurrengo
urterako nire asmoekin gehiago kontzientziatzen lagundu deust.
iruzkinik ez:
Argitaratu iruzkina